Yangilangan: 2026-yil 4-oktabr
UYTV (uytv.uz) — ko'chmas mulk e'lonlari platformasi. Ushbu siyosat ilova va sayt orqali qanday ma'lumotlar yig'ilishi, nima uchun ishlatilishi va siz ularni qanday boshqarishingizni tushuntiradi.
• Telefon raqami — hisobga kirish (SMS-kod orqali) va e'lon egasi bilan bog'lanish uchun. • Ism va hisob identifikatori — profil va e'lonlaringizni ko'rsatish uchun. • E'lon ma'lumotlari — matn, narx, manzil va xaritadagi nuqta, rasmlar va (ixtiyoriy) video. • Sevimlilar va suhbatlar — saqlangan e'lonlaringiz va xaridor/sotuvchi yozishmalari. • UYTV AI so'rovlari — qidiruv matnlaringiz va suhbat tarixi (mos e'lonlarni topish uchun). • Qurilma identifikatori (push-token) — bildirishnomalar yuborish uchun, siz ruxsat bergan taqdirda.
Qurilma joylashuvi faqat siz ruxsat berganingizda va ilova ochiq paytida xaritada yaqin e'lonlarni ko'rsatish uchun ishlatiladi. U serverimizga yuborilmaydi va saqlanmaydi. Ruxsat bermasangiz ham ilovadan to'liq foydalanish va manzilni qo'lda tanlash mumkin.
Ma'lumotlar faqat ilova funksiyalarini ta'minlash uchun ishlatiladi: kirish, e'lon joylash va ko'rsatish, qidiruv, sevimlilar, suhbat, AI yordamchi va bildirishnomalar. Biz ma'lumotlaringizni reklama uchun sotmaymiz va boshqa ilova yoki saytlar bo'ylab sizni kuzatmaymiz.
• Firebase (Google) — rasm/video saqlash, bildirishnomalar va ba'zi hisoblar uchun. • Yandex MapKit va xarita xizmatlari — xaritani ko'rsatish uchun. • SMS yetkazib beruvchi (Eskiz) — tasdiqlash kodini yuborish uchun. Bu xizmatlar o'z maxfiylik siyosatlari bo'yicha ishlaydi.
Ma'lumotlar hisobingiz mavjud ekan saqlanadi. Hisobni istalgan vaqtda ilovaning o'zida o'chirishingiz mumkin: Profil → "Hisobni o'chirish". Bunda e'lonlaringiz yopiladi, sevimlilar, suhbatlar, AI suhbatlari va shaxsiy ma'lumotlaringiz (telefon, ism) o'chiriladi yoki anonimlashtiriladi, kirish tokenlari bekor qilinadi.
Ma'lumotlar HTTPS orqali uzatiladi. Kirish tokeni qurilmaning xavfsiz xotirasida saqlanadi. Hech bir tizim 100% xavfsiz emas, lekin ma'lumotlaringizni himoya qilish choralarini ko'ramiz.
UYTV 18 yoshdan kichik shaxslar uchun mo'ljallanmagan va ularning ma'lumotlarini ataylab yig'maydi.
Savollar uchun: info@uytv.uz